Қоғамдық тәртіпті және жол қауіпсіздігін қамтамасыз ету бойынша жедел-алдын алу іс-шаралары кезінде Жетісай аудандық полиция бөлімі жергілікті полиция қызметінің қызметкерлері жол қозғалысы ережелерін бұзу мен жол-көлік оқиғаларын азайту мақсатында патрульдеуді жалғастыруда-деп хабарлайды 102info.kz ақпарат агенттігі Түркістан облысы полиция департаментіне сілтеме жасап.
Осындай рейдтік іс-шаралардың кезінде патрульдік полиция қызметкерлері аудан орталығындағы жолдарда жол қозғалысы ережелерін бұзудың бірнеше дерегін анықтады. Мысалы, Жетісай қаласы көшелерінің бірінде тәртіп сақшылары қос сызықты жолды қиып өткен екі көлікті тоқтатты. «Hyundai CRETA» және «Daewoo Nexia» жүргізушілеріне қатысты полиция ҚР ӘҚБтК-нің 596-бабы «көлік құралын жолдың жүру бөлігінде орналастыру, қарсы жүріп өту немесе басып озу қағидаларын бұзу»бойынша әкімшілік хаттама толтырды. Жиналған материалдар тиісті шешім шығару үшін сотқа жіберілді.
Полицейлер атап өткендей, жол қозғалысы ережелерін бұзу, жылдамдықты арттыру, қарама-қарсы жолаққа шығу, қашықтықты сақтамау, маневр жасау ережелерін бұзу, сондай-ақ көлік жүретін бөліктің белгіленбеген жерлерден өтуі көбінесе жол-көлік оқиғалары мен адам өліміне әкелуі мүмкін.
Сондықтан Түркістан облысының полицейлері жүргізушілерді және жол қозғалысының басқа да қатысушыларын жол ережесін қатаң сақтауға, ең бастысы мас күйінде көлік басқармауға шақырады. Жолда абай болыңыз, өзіңізді және жақындарыңызды қорғаңыз!
Түркістан облысы ПД баспасөз қызметі
