Отырар АПБ-ның полиция қызметкерлері жол қозғалысы ережелерінің сақталуын бақылау мақсатында, күнделікті жол-көлік оқиғаларының алдын алу бойынша рейдтік-профилактикалық іс-шараларын жүргізуде. Осындай шара барысында Отырар АПБ полицейлері қызметтік міндетін атқару барысында ішімдік ішіп, көлік басқарған жүргізушіні анықтады.
Полицейлер күндізгі сағат 11:40 шамасында күнделікті жұмыстарын жүргізу барысында, нөмірсіз тоқтаған автокөлікті байқады. Содан соң оған жақындап, тексеру кезінде тәртіп сақшылары жүргізушінің мас күйіне күдіктенді. Сонымен қатар оны тексеру барысында осыдан екі жыл алдын мас халде көлік басқарғаны үшін 3 жыл мерзімге автокөлік басқару құқығынан айырылғаны белгілі болды. Осыған қарамастан екінші рет алкогольдік масаң халде көлік басқаруына күдіктенген полиция қызметкерлері жергілікті тұрғынға қатысты медициналық сараптама тағайындады. Куәландырудың қорытындысына сәйкес жүргізушінің мас екені анықталды — деп хабарлайды 102info.kz ақпарат агенттігі Түркістан облысы полиция департаментіне сілтеме жасап.
Полиция қызметкерлері көлік құралын басқару құқығынан айырылғанына қарамастан екінші рет мас халде автокөлік тізгіндеген жүргізушіге қатысты жайтты ҚР ҚК-нің 346-бабы «Көлік құралдарын басқару құқығынан айырылған және алкогольдік, есірткілік және (немесе) уытқұмарлық масаң күйдегі адамның көлік құралын басқаруы, сол сияқты көлік құралын басқаруды осындай адамға беру немесе көлік құралын осындай адамның басқаруына жол беру» бойынша СДТТБТ-ға тіркеді. Сонымен қатар жинақталған іс-құжаттарды заңды шешім қабылдау үшін Отырар аудандық сотына жолдады.
Өз кезегінде, Түркістан облысының полицейлері жүргізушілер мен жаяу жүргіншілерді жол қозғалысы ережелерін қатаң сақтауға шақырады. Автокөлікке мас халде отырмаңыз, бұның соңы жазатайым оқиғалар мен өлімге әкеп соқтыруы мүмкін. Қашықтықты және маневр жасау ережелерін сақтау, жылдамдықты асырмау және қарсы жолаққа шықпау қажет. Жүргізушілер, үнемі жол қауіпсіздігі ережесін орындаса, тәртіпке бағынса, өз өмірі мен жолаушылардың өмірін сақтайтынын естен шығармағаны жөн.
ТО ПД-нің баспасөз қызметі
