Сайрам АПБ-на жергілікті тұрғын арызданған. Жәбірленуші азаматтың айтуынша сырттай танысы болып келетін Шымкент қаласының тұрғыны «жүргізуші куәлігін алып беремін»-деп, алаяқтық жолмен сеніміне кірген. Содан соң 130 000 теңге ақшасын алып, алдап кеткенін көрсеткен
Полиция қызметкерлері аталған жайтты ҚР ҚК-нің 190-бабы «Алаяқтық» бойынша тіркеп, жедел тергеу тобын құрды-деп хабарлайды 102info.kz ақпарат агенттігі Түркістан облысы полиция департаментіне сілтеме жасап.
Тәртіп сақшылары күдікті азаматты іздестіру барысында достарынан, туыстарынан жауап алды. Нәтижесінде жәбірленушінің ақша жіберген банк қызметі арқылы күдікті анықталып, бөлімге жеткізілді. Құқықбұзушы азамат жасаған ісін мойындап, өкінішін білдірді. Қазіргі таңда полицейлер күдіктінің басқа да қылмыстарға қатысы бар, жоғын анықтауда. Күдіктінің бас шарасы қолхатта.
Түркістан облысының полицейлері азаматтарға әр түрлі алаяқтардың айла-амалдарына түспеу үшін қырағы болуды ұсынады. Таныс емес адамдарға мүліктеріңізді, жеке мәліметтеріңізді, банк шоттарының кодтарын және басқа да ақпаратты бермеңіз. Сақ болыңыз және күмәнді қызметтерді ұсынатын адамдардан оңай пайда табуға үміттенбеңіз. Егер сіз алаяқтықтың құрбаны немесе куәгері болсаңыз, тез арада полицияға 102 телефоны арқылы хабарласыңыз.
ТО ПД-нің баспасөз қызметі
