Карантин уақыты болғандықтан, тұрғындардың саулығы үшін Түркістан облысы полиция басқарма, бөлімдерінің басшылары онлайн режимде халықпен кездесу өткізіп жатыр-деп хабарлайды 102info.kz ақпарат агенттігі Түркістан облысы полиция департаментіне сілтеме жасап.
Яғни бұл жолы Келес аудандық полиция бөлімінің басшысы полиция полковнигі Болат Қаныбеков пен Мақтаарал аудандық полиция бөлімінің басшысы, полиция полковнигі Әден Сапарбеков өз аумақтарының тұрғындарына 2020 жылдың 9 айы бойынша полицейлердің атқарған жедел-қызметтік жұмыстарының қорытындысын айтып, есеп берді. Қорытынды кезінде қылмыстар қатарының азайғаны мәлім болды.
Мәселен, Келес ауданында 2020 жылы бөтеннің мүлкін ұрлау қылмыстары 41,6 пайызға кеміген, ал 2019 жылы бұл көрсеткіш 39,6 пайыз болатын. Бұдан бөлек басқа да қылмыстарға жеке-жеке тоқталған басшы «Басты мақсат көрсеткіштерге емес, халыққа сапалы қызмет көрсету, қылмыстарға тосқауыл қою мен қоғам пікіріне назар аудару», — деді.
Мақтаарал ауданы аумағында, есеп беріп отырған мерзім ішінде тіркелген қылмыстардың жалпы саны -23,3 пайызға (334-тен 246-ға) кеміген.
Өз баяндамасын айтып шыққан полиция басшысы Әден Сапарбеков, аудан азаматтарының мұң мұқтажы мен ұсыныс пікірлеріне мұқият тыңдап, қылмыстарды болдырмау мәселесін талқылады. Кейбір азаматтар тарапынан халықтың қамын ойлап, аудандағы қылмыстың азаюына баса мән берген полиция басшысының атына алғыстар айтылды.
Іскер басшы кездесу соңында Ә.Сапарбеков «Сіздердің айтып жатқан мәселелеріңіз менің бақылауымда болады. Бұл кездесуден бөлек, жеке қабылдауыма да келіңіздер. Мен үшін ең бастысы тұрғындардың қауіпсіздігі мен қолжетімді полиция қызметін қалыптастыру!», — деді.
ТО ПД-ның баспасөз қызметі
