Түркістан облысы Полиция департаментінің әлеуметтік желідегі ресми парақшаларында тікелей эфир арқылы, ҚР ІІМ-нің тапсырмасына сәйкес брифинг өткізілді. Брифингтің тақырыбы: «Мәртебесі реттелмеген және құжаттары жоқ адамдарға көмек көрсету туралы». Ал спикер ретінде Түркістан облысы Полиция департаменті Көші-қон қызметі басқармасы бастығының орынбасары полиция подполковнигі Әуезбек Мырзабаев келіп, атқарылған жұмыстарды тізбектеп, ақыл-кеңесімен бөлісіп, келіп түскен сұрақтарға жауап берді — деп хабарлайды 102info.kz ақпарат агенттігі Түркістан облысы полиция департаментіне сілтеме жасап.
Полиция подполковнигі Ә.Мырзабаевтың айтуынша: «Статистикалық мәліметтерге сүйенсек, 2021 жылдың 5 айында Түркістан облысы бойынша 1974 жылғы КСРО төлқұжаттардың негізіндегі (немесе олардың жоғалуы) құжаттармен – 56 және 18 жастан асқан туу туралы куәлік негізінде – 158 адам ҚР азаматының төлқұжаттарымен құжаттандырылды. Сондай-ақ облысымыздың Көші-қон және Жергілікті полиция қызметі бөліністері қызметкерлерімен бірлесіп, аталған тұлғаларды анықтап, оларды жеке басын куәландыратын құжаттарды рәсімдеу үшін пәтерлер мен аулаларды аралау жұмыстары ұйымдастырылды. Аталған акция нәтижесінде бүгінгі таңда жарамсыз құжаттармен тұрып жатқан 521 тұлғалар анықталып, оларды бас дерегін анықтау жұмыстары жүргізілуде»-деп атап өтті.
Осылайша брифинг барысында әрбір тұрғынның құқықтық мәртебесін айқындау бағытында істеліп жатқан тындырымды тірліктер айтылды. Өз кезегінде желі қолданушылары да жазбаша түрде сауалдарын жолдап, көкейтесті сұрақтарына жауап алды. Айтып өтер жайт, желі қолданушылары тарапынан ТО ПД Көші-қон қызметі басқармасының жұмыстарына сәттілік тілеп, ризашылықтарын білдіргендер қатары көп болды.
ТО ПД-ның баспасөз қызметі
