Карантин талаптарын қатаң сақтауды ескертеді!

Түркістан облысының полиция қызметкерлері елдегі карантин талаптарының сақталуын қатаң бақылауда. Яғни, Түркістан облысының Бас мемлекеттік санитариялық-дәрігерінің карантин режимін сақтау бойынша нұсқауына сәйкес тиісті жұмыстарды жүргізіп жатыр. Арнайы құрылған мобильді топ құрамында жүрген тәртіп сақшылары да күні-түні рейдтік жасауда.
Мәселен, Арыс қаласындағы Қазыбек би көшесінде орналасқан «Димаш» дүкенінде бетпердесіз жүрген тұрғындар анықталды. Дүкен иесіде тұрғындарға бетпердесіз қызмет көрсеткен.
Құқық бұзушылық жасаған аматтарға қатысты ҚР ӘҚБтК-нің 425-бабы бойынша жинақталған құжаттар аудандық СЭББ-ға шара көру үшін жолданды — деп хабарлайды 102info.kz ақпарат агенттігі Түркістан облысы полиция департаментіне сілтеме жасап.
Сондай-ақ полицейлер тойханалар мен мейрамхана, кафе-барларды тексеріп, нысан иелерімен кездесіп, той-жиын өткізбеу және азаматтардың жиналуына жол бермеу керектігін түсіндіріп, карантин талаптары бұзылған жағдайда заңды шара көрілетіні туралы ескертті.
Түркістан облысының полицейлері карантин талаптарын қатаң сақтау қажеттігін ескертеді. Карантин кезінде той-жиындар, басқосулар, отбасылық, мерекелік, ұжымдық іс-шараларды ұйымдастыруға тыйым салынған. Оған қоса бетперделік режим мен арақашықтықты үнемі сақтау міндеттеледі. Сондықтан заңға баршамыз бірдей бағынайық!