«ЗАҢ ЖӘНЕ БІЗ»

Түркістан облысы Бәйдібек АПБ-ның ювеналды полиция инспекторлары Жамбыл ауылындағы Ж.Жабаев мектебінде «Заң және біз» атты тақырыпта жиналыс өткізді.
Жасөспірімдердің құқықтық сауаттылығын арттыру, қылмыстың алдын алу, профилактикалық шараларды жүргізу мақсатында өткен жиынға Жамбыл орта мектебінің 10-11 сынып оқушылары қатысты.
Мәні мен маңызы жоғары іс-шара барысында қылмыссыз қоғам орнатуға қатысты әңгімелер сөз болды. Карантин талаптары да толығымен сақталды.
Полицейлердің ел тыныштығы жолында атқарып жатқан жұмыстарына қолдау білдіріп, қандай да бір тәртіпсіздік, теріс қылық жасамауға кеңес берді.
Кездесу барысында полицейлер, жастарға полиция болу үшін қажетті дағдыларды түсіндіріп, кәсіби бағыт-бағдар берді. Ішкі істер органдарына қызметке тұру үшін бірінші кезекте шыдамдылық пен қайсарлық қажет екенін айтты. Сондай-ақ ел мен жердің қауіпсіздігін қамтамасыз етіп, қоғамдық тыныштықты сақтауда белсенділік танытуға шақырды — деп хабарлайды 102info.kz ақпарат агенттігі Түркістан облысы полиция департаментіне сілтеме жасап.
Ашық сұқбат барысында жастар да тәртіп сақшыларына сауалдарын қойып, нақты жауаптар алды.
ТО ПД-нің баспасөз қызметі