Мақтаарал АПБ-не жергілікті тұрғын өзінің қызы үйінен шығып, қайта оралмағаны туралы хабарлайды. 21 жасқа енді ғана аяқ басқан жас қыз анасымен сөзге келісе алмай, үйінен кетіп қалған. Осыған байланысты қыздың анасы өз бетінше іздеуге кіріскен, алайда таба алмай, полиция қызметкерлерінен көмек сұраған.
Аталған жайт бойынша полицейлер жедел-іздестіру жұмыстарын жүргізді. Туыстарының барлығынан сұрастырып, білуі мүмкін деген таныстарынан іздестірді. Осылайша жинақталған ақпарат көздері арқылы, тәртіп сақшылары аз уақыттың ішінде қызды мегополистен тапты. Ол әлеуметтік желіден бір жігітпен сөйлесіп жүрген. Ол қызға үйленетінін айтып, Шымкент қаласына шақырған. Қыз оны анасына айтқан, бірақ анасы қарсылығын білдірген соң онымен ұрысып үйінен кетіп қалған. Полицейлер табылған қызды үйіне қайтарып, анасына тапсырды.
Өз кезегінде жас қыздың анасы Мақтаарал АПБ-нің қызметкерлеріне жеделділігі үшін шын жүректен алғысын білдірді — деп хабарлайды 102info.kz ақпарат агенттігі Түркістан облысы полиция департаментіне сілтеме жасап.
Түркістан облысының полицейлері ата-аналарға қырағы болуды және балаларын қараусыз қалдырмау қажеттігін ескертеді. Сонымен қатар қыздарыңызбен сырласып, ойын толық тыңдауға шақырады. Балаларыңыз немесе жақындарыңыз адасып, жоғалған жағдайда, тез арада 102 телефоны арқылы полицияға хабарласыңыздар.
ТО ПД-ның баспасөз қызметі
