ІІМ-нен келген шығыс нұсқауына сәйкес Түркістан облысының әкімшілік ғимаратында онлайн-режимде бейнеконференция байланыс құралдарын пайдалана отырып, ЭҚІҚБ-ның қызметкерлерімен ақпарттық-түсіндіру жұмысы өткізілді. Мұндағы басты мақсат енгізілген өзгерістер мен толықтыруларды және заңнама талаптарын ТТО объектілерінің басшылары мен меншік иелеріне жеткізу.
«Қазақстан Республикасының кейбір заңнамалық актілеріне қылмыстық жолмен алынған кірістерді заңдастыруға және терроризмді қаржыландыруға қарсы іс-қимыл мәселелері бойынша толықтырулар енгізу туралы» заңға қол қойылды. Сонымен қатар террористік тұрғыдан осал объектілердің терроризмге қарсы қорғалуын реттеу бөлігінде өзгерістер енгізілді.
«Қазақстан Республикасы Ішкі істер министрінің 2015 жылғы 8 шілдедегі №582 бұйрығының күші жойылды деп тану туралы» Қазақстан Республикасы Ішкі істер министрінің 2020 жылғы 29 шілдедегі № 540 бұйрығына (2020 жылғы 14 қарашадан бастап заңды күшіне енеді)қол қойды.
Осы бұйрыққа сәйкес одан әрі тексеру парағынсыз, бірақ бейінді техникалық регламенттер негізіндеТТО объектілерін тексеру жүзеге асырылатын болады-деп хабарлайды 102info.kz ақпарат агенттігі Түркістан облысы полиция департаментіне сілтеме жасап.
«Террористік тұрғыдан осал объектілердің терроризмге қарсы қорғалуының үлгілік паспортын бекіту туралы» Қазақстан Республикасы Үкіметінің 2013 жылғы 12 қарашадағы № 1217 қаулысына өзгерістер мен толықтыру енгізу туралы» Қазақстан Республикасы Үкіметінің 2020 жылғы 23қазандағы № 698қаулысы (бұдан әрі – Қаулы, 2020 жылғы 14 қарашадан бастап заңды күшіне енеді) қабылданды.
Қаулыда ТТО объектілерінің күзетілуін қамтамасыз ететін адамдардың(күзет құрылымдарының, қарауылдардың, жауынгерлік ауысымның) мәртебесі нақтыланды, объектілердің паспортын әзірлеу кезінде олардың ерекшеліктері ескерілді, Қазақстан Республикасы Қарулы күштерінің әскери бөлімдері мен мекемелері, басқа әскерлері мен әскери құрамалары ТТО объектілерінің, осы салада мемлекеттік бақылауға жатпайтын арнайы мемлекеттік органдар (ҰҚК, МКҚ) объектілерінің терроризмге қарсы қорғалуы паспортын келісу қажеттілігі туралы норма алынды.
ТО ПД-нің баспасөз қызметі
