Түркістан ҚПБ-ға жергілікті тұрғын арызданған. Ол өз арызында жұмысының алдында тұрған «ВАЗ» маркалы автокөлігін белгісіз тұлғалар ұрлап кеткенін көрсеткен. Аталған жайт ҚР ҚК «Ұрлық» бабымен СДТТБТ-не тіркелді.
Түркістан ҚПБ-ның қызметкерлерімен Тергеу бөлімінің аға тергеушісі полиция капитаны Жақай Жанбол автокөлікті айдап кеткендерді ұстау мақсатында жақын маңдағы аулаларды аралап, куәгерлерден жауап алып, басқа да қажетті іс-шараларды жүзеге асырды-деп хабарлайды 102info.kz ақпарат агенттігі Түркістан облысы полиция департаментіне сілтеме жасап.
Жедел-іздестіру іс-шараларының нәтижесінде тәртіп сақшылары осы қылмысқа қатысы бар Сарыағаш қаласының 2 тұрғынын анықтады. Полицейлер ақпарат көздерін жинақтап, соның арқасында күдіктілерді 5 тәулік ішінде Алматы қаласынан ұстады. Екі күдіктінің бірі бұрын сотты болған, екіншісі дәл осындай қылмыс жасағаны үшін іздеуде жүрген сыныптас жас жігіттер болып шықты.
Сонымен қатар тергеу барысында күдіктілер бұдан алдын көлік ұрланғандары белгілі болды. Ұрланған көлікті олар өз пайдасы үшін бөлшектеп сатып жіберген. Содай-ақ аталған «ВАЗ» автокөлігін 2 сыныптас Алматы қаласына айдап кеткен. Бүгінгі таңда ұрланған автокөлік өз иесіне қайтарылды. Жәбірленуші полиция қызметкерлеріне көлігі табылғаны үшін алғысын білдірді
«Менің көлігімді белгісіз біреулер ұрлап кетті. Көлігімді іздеп таба алмаған соң полиция қызметкерлерінен көмек сұрап арыздандым. Нәтижесінде полицейлер көлігімді тауып берді. Полицейлерге өз алғысымды айтамын, жұмыстарыңызға сәттілік тілеймін»-деп алғысын білдірді.
Өз кезегінде, Түркістан облысының полицейлері азаматтарға сақ болуды және автокөліктерін қараусыз қалдырмау қажеттігін ескертеді. Автокөліктердің есіктері мен терезелерін жабық ұстау керек және бағалы заттарды, сөмкелер мен ұялы телефондарды салонда қалдырмау керек. Сондай-ақ автокөліктерге күзет дабылын орнатып, оларды күзетілетін тұрақтарға, жақсы жарықтандырылған алаңдарға қоюға кеңес береді.
ТО ПД-нің баспасөз қызметі
