Шымкент қаласы Полиция департаментінің қызметкерлерімен ағымдағы жылдың 1 маусымы мен 30 қазан аралығында қала аумағында «Қарасора-2020» жедел-профилактикалық іс-шарасы өткізілді-деп хабарлайды 102info.kz ақпарат агенттігі Шымкент қаласы полиция департаментіне сілтеме жасап.
Іс-шараның 5 ай қорытындысымен есірткінің заңсыз айналымына қатысты 112 құқық бұзушылық анықталды. Оның ішінде 23 дерегі қылмыстар болса, 89 дерегі қылмыстық теріс қылықтар. Тіркелген қылмыстар ішінен 6 дерегі есірткі заттарын сату, 3 дерегі аса ірі көлемде есірткі заттарын сақтау және 14-і құрамында есірткісі бар өсімдіктерді өсіру жайттары болып табылады.
Арнайы іс-шаралар нәтижесінде заңсыз айналымнан 19 кг 386 гр түрлі есірткі заттары тәркіленіп алынды.
Одан бөлек, аталған іс-шара аясында Полиция департаментінің қызметкерлері мүдделі мемлекеттік органдар және үкіметтік емес ұйымдармен бірлесіп тұрғындар арасында есірткіге тәуелділікті азайту мақсатында есірткіге қарсы 14 профилактикалық іс-шаралар өткізді.
Оның оңды нәтижесі есепте тұратын есірткіге тәуелді тұлғалар санының 14,6%-ға төмендеуі болып табылады.
Құрметпен,
Шымкент қаласының ПД
