Мақтаарал ауданының полицейлері құжатының мерзімі өтіп кеткен не болмаса жаңадан құжат алатын егде жастағы тұрғындардың үйіне барып, көмек көрсетуде.
Бұл жолы аудан сақшылары қарт ананың жүріп-тұруы қиын екенін біліп, құжатын жаңартуға арналған барлық шараларды жедел атқарды.
Мақтааралдық сақшылардан көмек алған қарт ана өз ризашылығын жеткізіп, алғысын айтты. «Менің төлқұжатымды жасап, үйіме алып келіп берген көші-қон қызметіне рақметімді айтамын!», — деді егде жастағы Қалдар Күзербаева.
Айта кетсек, Қалдар ана Мақтаарал ауданына қарасты, Иіржар ауылының тумасы. Бүгінде жасы 73-те.
