Індет басталып, қалыптасқан эпидемиологиялық жағдайға байланысты 2020 жылдың наурыз айынан бастап инженерлік-техникалық нығайту бойынша объектілердің басшылары мен меншік иелері арасында ақпараттық-түсіндіру жұмыстарын қоспағанда, нысандарды тексерулер тоқтатылған болатын-деп хабарлайды 102info.kz ақпарат агенттігі Түркістан облысы полиция департаментіне сілтеме жасап.
Алайда «Терроризмге қарсы іс-қимыл туралы» Заңға бірқатар түзетулер енгізілді. Сондықтан облыс аумағында террористік тұрғыдан осал объектілердің терроризмге қарсы қорғалуына тексеру қайталап жүргізілді.
Мәселен, Түркістан облысы ПД Экстремизмге қарсы іс-қимыл басқармасының қызметкерлерінен құрылған топтар террористік тұрғыдан осал 300-ге жуық нысанды тексерді. Терроризмге қарсы қорғалу талаптарын қамтамасыз етпеген 10-нан астам объектінің басшылары мен меншік иелері ҚР ӘҚБтК-нің 149-бабы «терроризмге қарсы қорғауды қамтамасыз ету және террористік тұрғыдан осал объектінің қауіпсіздігінің тиісті деңгейін сақтау жөніндегі міндеттерді орындамау және (немесе) тиісінше орындамау»бойынша әкімшілік жауапкершілікке тартылды. Шешім қабылдау үшін жиналған материалдар сотқа жіберілді. Сот шешімімен 11 нысан басшылары мен иелеріне 100-ден 500 АЕК-ке дейін айыппұл салынды.
Бүгінгі таңда полиция қызметкерлерімен нысан иелеріне инженерлік жұмыстар бойынша түсіндірулер жүргізіліп, жаднамалар таратылуда.
ТО ПД-ның баспасөз қызметі
