Түркістан облысы Полиция департаменті Экстремизмге қарсы іс-қимыл басқармасының қызметкерлері, 2022 жылдың наурыз-сәуір айлары аралығында енгізілген өзгерістер мен толықтыруларды ескере отырып, заңнама талаптарын сақтау бойынша ақпараттық-түсіндіру жұмыстарын жүргізді — деп хабарлайды 102info.kz ақпарат агенттігі Түркістан облысы полиция департаментіне сілтеме жасап.
Тәртіп сақшылары террористік тұрғыдан осал объектілердің терроризмге қарсы қорғалуын реттеу бөлігінде енгізілген өзгерістерді түсіндірді және ТТО объектілерінің терроризмге қарсы қорғалуын қамтамасыз етуге қойылатын талаптарды орындау қажеттігі туралы объектілердің басшылары мен меншік иелеріне ескертті.
Атап айтқанда, «Терроризмге қарсы іс-қимыл туралы» Қазақстан Республикасының Заңының 10-3-бабына сәйкес террористік тұрғыдан осал объектілердің меншік иелері, иеленушілері, басшылары немесе өзге де лауазымды адамдары олардың терроризмге қарсы қорғалуын қамтамасыз ету мақсатында, террористік тұрғыдан осал объектілердің терроризмге қарсы қорғалуын ұйымдастыруға қойылатын талаптарға сәйкес іске асыруға міндетті.
Іс-шараға Түркістан облысының аумағында орналасқан террористік тұрғыдан осал объектілердің 300-ге жуық иелері мен басшылары қатысты.
