«Балалар жылы» Түркістан облысы ПД қызметкерлерімен кең көлемде, ауқымды іс-шаралармен атап өтілуде. Олардың бірі бірі спорттық жарыстар болса, енді ұлттық ойынды дәріптеуде.
Мәселен, Төлеби АПБ қызметкерлерінің ұйымдастыруымен Бірінші-мамыр ауылында жасөспірімдер арасында «Көкпар ұлттық ойыны» өткізілді. Жалпы көкпар жігіттердің күш-жігерін, төзімділігін, батылдығы мен ептілігін, ат үстінде мығым отыруын қалыптастырады. Аталған ұлттық ойында белсенділік танытып, ерекше көзге түскен, Бірінші-мамыр жалпы орта мектебінің 10-сынып оқушысы Бағлан Жамал мен Серікболсын Арапбай топ жарды. Жеңімпаз жасөспірімдер «Мен және менің полицейім» атты іс-шара аясында ата-аналарымен бірге полиция бөліміне шақыртылып, экскурсия жасады.
Кездесу соңында полицейлер жасөспірімдерді Төлеби АПБ бастығының «Алғыс хатымен» марапаттап, арнайы спорттық киімдер мен сыйлықтар табыстады.
Өз кезегінде ата-аналар полицейлерге осындай шара ұйымдастырғандары үшін алғыс білдіріп, алдағы қиындығы мен жауапкершілігі қатар жүретін жұмыстарына сәттілік тіледі.
