Кентау ҚПБ-ға жергілікті тұрғын арызданып келген. Жәбірленуші азаматтың айтуынша, оның қоймасына ұры түскен. Яғни, құрылыс заттары тұратын қойманың есігін белгісіз біреу бұзып ашып, қойма ішінде тұрған 700 000 теңгенің затын жымқырып кеткен. Аталған жайт ҚР ҚК-нің 188-бабы «Ұрлық» бойынша тіркелді — деп хабарлайды 102info.kz ақпарат агенттігі Түркістан облысы полиция департаментіне сілтеме жасап.
Орын алған ұрлық қылмысын ашып, күдіктіні анықтау мақсатында, тәртіп сақшылары бірден іске кірісті. Нәтижесінде күдікті ер адам 4 сағат ішінде көшеден ұсталды. Оның жеке-басы анықталып, Кентау КПБ-ға жеткізілді. Тексеру кезінде күдіктінің бұрын сотты болғандығы расталды. Күдікті Кентау қаласының тұрғыны. Ол ұрлап алған бөтеннің мүлкін сатып, ақшаны бас пайдасының қажеттілігіне жұмсап жіберген. Қазіргі таңда сотқа дейінгі тергеу амалдары жүргізілуде.
Өз кезегінде Түркістан облысының полицейлері ұрлық қылмысының алдын алу үшін, үйге, сауда орындарына, қоймаларға, ғимараттарға бейнебақылау камераларын орнату қажеттігін ескертеді. Ұрлық орын алған сәтте, полицияның «102» нөміріне хабарласыңыздар.
