Сенбілік қоғамның назарын қала көшелерінің тазалығын сақтауға аударып, экологиялық мәдениетті қалыптастыруда маңызы зор. Осы ретте полицейлер де табиғаттың әсемдігі үшін өз үлестерін қосуда.
Мәселен Сарыағаш АПБ-ның бастығы полиция полковнигі Аман Бурхановтың бастамасымен аудандық полиция бөлімінде сенбілік ұйымдастырылды. Сенбіліктің басты мақсаты — табиғаттың көркіне көрік беріп, тазалыққа үлес қосып, табиғатты аялау.
Тәртіп сақшылары аудандық полиция бөлімінің ауласын абаттандырды. Оған барлық полицейлер, яғни қатардағы полиция бөлімінің басшы құрамына дейін 100 пайыз қатысты. Полицейлер тазалық жұмысын жүргізіп, «бір тал кессең, он тал ек» қағидасын ұстанып, қолдарына күрек алып, талдарға су құйды. Олар аулаға шамамен 65 тал егіп, ұзақ мерзімге арналған 700 гүл отырғызды.
Қаланың көркеюі мен дамуы маңызды болып табылатын, қоғамның тәртібін қамтамасыз ететін, қиындығы мол саланың мамандары сенбілікке бір кісідей ат салысып, санитарлық тазарту жұмысынан да қалыс қалмайтындықтарын көрсетті.
Алдағы уақытта әр сенбі сайын сенбілік өткізіп полицейлер табиғат пен қала тазалығына өз үлестерін қоса бермек!
