Заңсыз көші-қон арналарының жолын кесу, сондай-ақ заңсыз көші-қонмен байланысты құқыққа қайшы өзге де іс-әрекеттерді анықтау мақсатында, аудан көлемінде ағымдағы жылдың 10-17 наурызы аралығында “Мигрант” жедел-профилактикалық іс-шарасы өткізілуде — деп хабарлайды 102info.kz ақпарат агенттігі Түркістан облысы полиция департаментіне сілтеме жасап.
Аталған іс-шара барысында Түркістан облысы Полиция департаментінің барлық аудан, қалалық Полиция бөлімдерінде қарқынды жұмыс атқарылуда. Мәселен Ордабасы аудандық полиция бөлімі қызметкерлерімен ҚР ӘҚБтК-нің 517-бабының 3-бөлігімен 5 әкімшілік хаттама толтырылып, салынған айыппұлы толығымен өндірілген. ҚР ӘҚБтК-нің 517-бабының 5-бөлігімен 28 әкімшілік хаттама толтырылып, 12 шетел азаматы Ордабасы аудандық сотының шешіміне сәйкес, әкімшілік жолмен ҚР аумағынан шығарылды. ҚР ӘҚБтК-нің 517-бабының 4-бөлігімен 11 әкімшілік хаттама толтырылып, Ордабасы аудандық сотының шешіміне сәйкес, 2 тәулікке әкімшілік қамауға алынды. ҚР ӘҚБтК-нің 518-бабының 1-бөлігімен 7, 519-бабының 5-бөлігімен 3 әкімшілік хаттама толтырылды. Түркістан қалалық ПБ-ға 5 қаңғыбас жеткізіліп, сот шешіміне сәйкес қамауға алынды. Аталған іс-шара аудан көлемінде жалғасуда.
