Сайрам ауданы полиция басқармасының кезекші бөліміне жергілікті тұрғын түнгі уақытта белгісіз тұлғалардың ауласына кіріп, екі жылқыны алып кеткені туралы арызданған-деп хабарлайды 102info.kz ақпарат агенттігі Түркістан облысы полиция департаментіне сілтеме жасап.
Аталған жайтты полиция қызметкерлері ҚР ҚК-нің 188-бабы «Ұрлық» бойынша СДТТБТ-ға тіркеді, жәбірленушіге келтірілген шығынның жалпы сомасы 700 мың теңгені құрады.
Мал ұрлығын ашу мақсатында Сайрам АПБ-інде аса тәжірибелі полицейлер қатарынан жедел-тергеу тобы құрылды, жедел уәкілдер учаскелік инспекторлармен бірге жақын маңдағы барлық жайылымдар мен шаруашылық аулаларды аралап, куәгерлерден сұрастырып, үй малын тасымалдайтын автокөліктерді мұқият тексеріп, барымташыларды іздестіру және ұстау бойынша басқа да іс-шараларды жүзеге асырды.
Бір аптадан кейін жедел-іздестіру іс-шараларының нәтижесінде Сайрам АПБ полиция қызметкерлері Шымкент қаласынан үш күдіктіні ұстады. Олардың бірі жәбірленушінің ұлы, ал қалған екеуі мегаполистің тұрғындары болып шықты. Ұсталғандарды аудандық полиция басқармасына жеткізді. Күдіктілер мал ұрлығын пайдакүнемдік мақсатта жасағанын мойындады.
Тергеу көрсеткендей, күдіктілер үй ауласының жанында байланған екі жылқыны ұрлап, қылмыс орнынан қашып кеткен. Содан кейін олар ұрланған малды сатып, ақшаны өз қажеттіліктеріне жұмсаған. Ұрланған жылқыларды тәртіп сақшылары тәркілеп алып, заңды иесіне қайтарды.
Қазіргі уақытта бөтеннің мүлкін ұрлау жайты бойынша сотқа дейінгі тергеу жүргізілуде. Күдіктілер қолхатта. Полицейлер оқиғаның мән-жайын және мал ұрлығының басқа да ұқсас қылмыстарға қатыстылығын анықтап жатыр.
Өз кезегінде Түркістан облысының полицейлері ауыл тұрғындарына қырағы болуға және үй малын қараусыз қалдырмауға кеңес береді. Егер сіз біреудің мүлкін ұрлаудың немесе мал ұрлығының құрбаны немесе куәгері болсаңыз, дереу полицияға 102 нөміріне хабарласыңыз.
Түркістан облысы ПД баспасөз қызметі.
