Бәйдібек АПБ-ның полицейлері карантин талаптарының сақталуын қатаң бақылауда. Арнайы құрылған мобильді топ құрамында жүрген тәртіп сақшылары күні-түні рейдтер жүргізіп, бас мемлекеттік санитариялық-дәрігерінің карантин режимін сақтау бойынша нұсқауына сәйкес тиісті жұмыстарды атқарып келеді.
Мәселен, Бәйдібек аудандық полиция бөлімінің қызметкерлері тәулік ішінде карантин талаптарын өрескел бұзған 12 жайтты анықтады. Ол Бәйдібек ауданының бірнеше сауда дүкендері медициналық бетперде тақпастан тұтынушыларға қызмет көрсеткен. Аталған құқық бұзушылықты жасаған азаматтарға қатысты ҚР ӘҚБтК-нің 425-бабы «Халықтың санитариялық-эпидемиологиялық саламаттылығы саласындағы заңнама талаптарын, сондай-ақ гигиеналық нормативтердi бұзу» бойынша жинақталған құжаттар шара көрілу үшін тиісті орынға жолданды.
Сондай-ақ, полицейлер тойханалар мен мейрамхана, кафе-барларды тексеріп, нысан иелерімен кездесіп, той-жиын өткізбеу және азаматтардың жиналуына жол бермеу керектігін түсіндіріп, карантин талаптары бұзылған жағдайда, заңды шара көрілетіні туралы ескертті — деп хабарлайды 102info.kz ақпарат агенттігі Түркістан облысы полиция департаментіне сілтеме жасап. Күдікті қамауға алынды.
Түркістан облысының полицейлері карантин талаптарын қатаң сақтау қажеттігін ескертеді. Карантин кезінде той-жиындар, басқосулар, отбасылық, мерекелік, ұжымдық іс-шараларды ұйымдастыруға тыйым салынған. Оған қоса бетперделік режим мен арақашықтықты үнемі сақтау міндеттеледі. Сондықтан заңға баршамыз бірдей бағынайық!
ТО ПД-ның баспасөз қызметі
