Қазығұрт АПБ-не жергілікті тұрғын арызданады. Ер адам оның құны 400.000 теңге болатын бұқасы жайылымнан белгісіз жағдайда жоғалып кеткенін, содан өзі ауыл ішін, жайылымдарды толық қарап, іздеп шыққанын хабарлаған,деп хабарлайды 102info.kz ақпарат агенттігі Түркістан облысы полиция департаментіне сілтеме жасап.
Осылайша «Алматы-Термез» тас жолының бойында қараусыз ғимараттың ішінен жоғалған бұқасын белгісіз тұлғалар сойып жатқан жерінен түскенін жеткізген. Бірден полицейлерге хабарлаған.
Ақпарат алысымен оқиға орнына жедел-тергеу тобы тез арада жетеді. Полицейлер өзгенің малын жымқырып, онымен қоймай сойып үлгерген екі күдіктіні ұстайды. Олар жергілікті тұрғындар болып шықты. Біреуі бұрын сотты болған. Айғақты зат ретінде жоғалған бұқаның сойылған еті тәркіленіп алынып, заңды иесіне қайтарылды.
Тергеу барысында күдіктінің бірі үйінің жанына қараусыз бұқа жайылып келгенін байқап қалып, оны үйіне кіргізіп алған айтқан. Содан 1 күн күтіп ешкім іздеп келмеген соң, оңай жолмен пайда табу мақсатында ауылдасы екеуі сойып, сатып жібермекші болғандарын мойындаған. Бас шаралары «қолхатта».
Өз кезегінде, полиция қызметкерлері Түркістан облысының тұрғындарына қырағы болуға және малдарын қараусыз қалдырмауға кеңес береді. Сондай-ақ өзінің шаруашылық аулаларын және аулаларын сенімді қоршаумен нығайтып, жарықтандыру керек. Үй малына ен-таңбаларын салдыруды ұмытпаңыз. Үй жануарлары жоғалған немесе ұрланған жағдайда тез арада 102 телефоны арқылы полицияға хабар беріңіз.
ТО ПД-нің баспасөз қызметі
