Түркістан облысы Полиция департаменті Арыс аудандық полиция бөлімінің қызметкерлері ірілі-ұсақты қылмыстардың алдын алып, болдырмауда жүйелі жұмыстар жасап келеді. Оның ішінде қару қолдана отырып болатын қылмыс жайттарын анықтау мақсатында 1 ай мерзімге ҚР ІІМ-нің жоспарына сәйкес «Қару» жедел-профилактикалық іс-шарасын өткізуде. Шара барысында арыстық сақшылар аудан көлемінде 511 қару иесін тексерген.
Тексеру барысында 81 әкімшілік құқық бұзушылық анықталды. Қару сақтау ережесін бұзған үшін 35 азаматқа ҚР ӘҚБтК 484- бабы бойынша хаттама түзілді. Сондай-ақ ҚР ӘҚБтК 486-бабы «Қаруды қайта тіркеу тәртібін бұзғаны» үшін 39 адамға хаттама толтырылды — деп хабарлайды 102info.kz ақпарат агенттігі Түркістан облысы полиция департаментіне сілтеме жасап.
Айта кетсек, аталмыш шараның негізгі мақсаты — тиісті қоғамдық тәртіпті сақтау, атыс қаруын қолдана отырып жасалатын қылмыстардың алдын алу және жолын кесу болып табылады.
Өз кезегінде Түркістан облысының полицейлері тұрғындарға қаруды дер кезінде тіркеп, оның сақтау ережелерін бұзбауға кеңес береді. Сонымен қатар, тіркелмеген қаруларыңыз болса, Полиция басқармасына келіп тапсыруды ескертеді.
ТО ПД-ның баспасөз қызметі
