Түркістан облысы аумағында 2021жылдың 17 мамыр мен 16 маусым аралығында «Қауіпсіз жол» жедел-профилактикалық іс-шарасы өткізілуде. Шараның басты мақсаты жол-көлік оқиғаларынан және олардың салдарынан болатын жол қозғалысына қатысушы азаматтардың өмірі мен денсаулығын сақтау деңгейін арттыру, жол-көлік оқиғаларының салдарын жою болып табылады. Жалпы іс-шараның 19 күнінде Жетісай АПБ-ның жеделділік пен кәсіби шеберлікті ұштастырған полицейлері 721 әкімшілік құқық бұзушылықты анықтады.
Осы тұста жол қозғалысы ережесін бұзу жайттарын тарқатып айтар болсақ: Автокөлікті ұялы телефон қолданып басқару — 52, қауіпсіз белдігін тақпау — 64, маневр қағидасын бұзу – 35, қарсы бағытқа шығу – 4, бағдаршамның қызыл түсіне өтіп кету – 5, апаттық жағдай тудыру – 7, жаяу жүргіншіге жол бермеу — 6, автокөлік құралын мас халде басқару – 3, жаяу жүргіншінің ЖҚЕ бұзуы бойынша — 79 дерек анықталған. Ал 1 дерек жолаушыларды заңсыз тасымалдау болса, айыптұраққа қойылған автокөліктер саны – 31.
Мысалы, Жетісай АПБ-ның полицейлері Атакент кентінде күндізгі сағат 14:30 шамасында рейдтік-профилактикалық тексерулер жүргізді. Кенет тәртіп сақшыларының көзіне базар маңында көлігін дұрыс басқара алмай келе жатқан «Нексия» көлігі ілікті. Полицейлер жеңіл көлікті тоқтатты. Жүргізушінің құжаттарын тексеру кезінде оның ішімдік ішкеніне күмән туындады. Содан соң жүргізуші бірден медициналық тексеруден өткізіліп, оның «орта дәрежелі» мас халде көлік басқарғаны белгілі болды. Полиция қызметкерлері аталған жайтты ҚР ӘҚБтК-нің 608-бабы «Жүргізушінің көлік құралын алкогольдік, есірткілік және (немесе) уытқұмарлық масаң күйде басқаруы, сол сияқты көлік құралын алкогольдік, есірткілік және (немесе) уытқұмарлық масаң күйдегі адамның басқаруына беру» бойынша тіркеп, хаттама толтырып, көлігін айыптұраққа қойды — деп хабарлайды 102info.kz ақпарат агенттігі Түркістан облысы полиция департаментіне сілтеме жасап.
Түркістан облысының полицейлері, жүргізушілер мен жаяу жүргіншілерге, жолаушыларға ережелерді қатаң сақтап, жылдамдық режимін бұзбауға және қарсы қозғалыс жолағына шықпауға шақырады. Және жол қозғалысы ережелерін бұзудың соңы орны толмас өкінішке әкеліп соғатынын ұмытпаңыз.
ТО ПД-ның баспасөз қызметі
