Ағымдағы жылдың 8-маусымында «Қарасора-2021» жедел-профилактикалық іс-шарасы аясында және Халықаралық нашақорлыққа қарсы күрес күніне орай Шымкент қ. ПД Есірткі қылмысына қарсы іс-қимыл басқармасының аға жедел уәкілі полиция майоры Бауыржан Карбеков «Авиценна» көпсалалы медициналық колледжінің студенттеріне «Есірткіні тұтынудың зияны және қатерлі зардаптары» тақырыбында дәріс өткізді. Шара барлық санитарлық-эпидемиологиялық талаптарды сақтай отырып ұйымдастырылды. Ондағы мақсат – жастарға есірткі заттарының зияндығы мен кесірін ұғындыру, есірткі, психоактивті заттарға төзбеушілік мәдениетін қалыптастыру, қоғам белсенділерін, парасатты, саналы ұрпақ тәрбиелеу болып табылады.
Кездесу барысында полиция қызметкері студенттерге есірткі тұтынудың қоғам өміріне төндіретін қаупі туралы баяндама оқып, оларды қызықтырған сауалдарға жауап берді. Сондай-ақ, іс-шара барысында қатусышылар өзара пікір алмасып, ашық сұхбат құрды.
Құрметпен,
Шымкент қаласының ПД
