ҚР ІІМ 2021 жылғы 18-мамырдағы нұсқауына сәйкес, шетелдіктерге мемлекеттен шығуы немесе есепке алынуы туралы кеңес беріліп, олардың елде болу мерзімі (визалар, уақытша тұруға рұқсаттар) 2021 жылдың 5-маусымына дейін ұзартылған болатын. Еңбек етуге рұқсат немесе өздігінен жұмысқа тұруға арналған біліктілік туралы жергілікті атқарушы орган берген анықтамасы барларға виза мен уақытша тұруға ықтиярхат мерзімі аяқталған немесе аяқталуы жоспарланған тұлғаларды әкімшілік жауапкершілікке тартпауды көздейтін ведомствоаралық комиссия шешімінің мерзімі аяқталатынын хабарлаймыз.
Бұл ретте Қазақстандағы рұқсат құжаттарының мерзімі өткен немесе өтіп бара жатқан шетелдік азаматтар құзыретті органдардағы өз құқықтық мәртебесін уақытылы реттестіру үшін көші-қон қызметіне жүгінулері қажет.
2021 жылдың 1 қаңтарынан 5 маусымына дейінгі кезеңде құқықтық мәртебелерін заң жүзінде реттемеген шетелдіктердің құқықтық жауапкершіліктен босатылмайтынын ескертеміз.
Шымкент қаласы Полиция департаментінің Баспасөз қызметі
