Түркістан облысы ПД Экстремизмге қарсы іс-қимыл басқармасының қызметкерлері білім беру, адами әлеуетті дамыту басқармасы және басқа да мүдделі қызмет өкілдерімен бірлесіп, терроризмге қарсы мінез-құлық қағидаларын оқыту бойынша онлайн-сабақ өткізді — деп хабарлайды 102info.kz ақпарат агенттігі Түркістан облысы полиция департаментіне сілтеме жасап.
Аталған іс-шараға Түркістан облысының жүзге жуық оқу орындарының басшылығы, оқытушылары мен оқушылары қатысты. Тәртіп сақшылары қатысушыларға террористік актілерді жасау қатері кезіндегі жүріс-тұрыс ережелері, террористік сипаттағы түрлі қауіп туындаған кездегі іс-қимылдар, сондай-ақ терроризм актілері туралы көрінеу жалған хабарламалар үшін қылмыстық жауапкершілік қарастырылғанын түсіндірді.
Сонымен қатар, сабақ аясында полицейлер террористік тұрғыдан осал нысандардың терроризмге қарсы іс-қимыл саласына енгізілген бірқатар заңнамалық актілерге енгізілген өзгерістер туралы айтып өтті. Сондай-ақ, олар осындай құқық бұзушылықтың алдын алу және аталған заңсыз қызметке тартудан және қатысудан қорғау шаралары туралы ақпарат берді.
Іс-шара соңында онлайн-сабаққа қатысушылар полицейлер мен іс-шараны ұйымдастырушыларға алғыс айтып, оларға жұмыста табыс тіледі.
ТО ПД-ның баспасөз қызметі
