Шымкент қаласы Полиция департаменті Тергеу басқармасының қызметкерлері Мемлекет басшысы Қ. Тоқаевтің Халыққа жолдауын жүзеге асыру мақсатында, полиция қызметінің үш буынды модель жүйесі арқылы қызметін тиімді жүргізуде.
2021 жылдың 12-мамырында ҚР ІІМ Б.Момышұлы атындағы оқу орталығымен ұйымдастырылған «Қылмыстық процестің үш буынды моделін жүзеге асыру мәселелері» тақырыбында өткізілген дөңгелек үстел өтті. Сол іс-шараға Шымкент қаласы Полиция департаменті Тергеу басқарма бастығының орынбасары полиция полковнигі Бекбердиев Өмірбек Жамалбекұлы қатысты. Дөңгелек үстел зум бағдарламасы арқылы онлайн форматта өткізілді. Аталған іс-шараға белсенді қатысқаны үшін полиция полковнигі Өмірбек Жамалбекұлы алғыс хатпен марапатталды.
Үш буынды модельде полиция, прокурор және сот өкілеттіктері нақты бөлінген. Біріншісі – қылмыстарды анықтаумен, ашумен және дәлелдер жинаумен айналысады. Қудалау органдары қылмыс пен кінәні дәлелдегеннен кейін істі прокурорға жібереді. Ол өз кезегінде, объективті түрде қарайды, дәлелдемелер базасын, баптың дұрыс қолданылғанын тексереді. Түпкілікті үкімді сот шығарады. Бұл азаматтардың құқықтарын сақтаудың өзіндік фильтрі және кепілдіктері.
Шымкент қаласы Полиция департаментінің Баспасөз қызметі
