Түркістан қаласы полиция басқармасына жергілікті тұрғын арызданып келді. Ол арызында құны 100 мың теңге болатын 2 «хаски» күшігінің түскі уақытта үйінен шығып кетіп, өз еркімен іздегенімен, осы уақытқа дейін таба алмағанын айтып көрсеткен. Яғни жәбірленушіге келтірілген шығын 200 000 теңге.
Қымбат күшіктердің иесі өзінің іздестіруінен нәтиже шықпаған соң полицейлерден көмек сұрайды. Бұл жайт қалалық полиция басқармасына тіркеліп, жоғалған күшіктерді іздеу жұмыстары жүргізіледі. Тәртіп сақшылары жақын маңдағы барлық көшелерді аралап, нәтижесінде жоғалған «хаски» күшіктерді тауып иесіне қайтарды. Жәбірленуші азамат Түркістандық полицейлерге үлкен алғысын білдірді — деп хабарлайды 102info.kz ақпарат агенттігі Түркістан облысы полиция департаментіне сілтеме жасап.
«Мен қымбат күшіктерімді жоғалтып алған соң, Түркістан ҚПБ-ның полицейлерінен көмек сұрадым. Олар бірден күшіктерімді іздеуге кірісті. Алғысымды айтамын, тауып бергендеріне. Барша полиция қызметкерлеріне алғысымды білдіргім келеді. Сіздерге үлкен рахмет!»
Өз кезегінде Түркістан облысының полицейлері қырағы болу және жануарларыңызды қараусыз қалдырмау қажеттігін ескертеді.
ТО ПД-ның баспасөз қызметі
