Келес АПБ-нің полиция қызметкерлері Қазақстан Республикасы азаматтығын алуға ниет білдірген жандарға үнемі көмек көрсетіп отырады. Мысалы, Өзбекстан Республикасының азаматшасы Гүлбахар Турданбаева өз елінен тіркеуден шығып, Қазақстандағы Келес ауданы Біртілек ауылдық округіне келіп қоныстанады. Содан ҚР азаматтығын алуға құжаттарын тапсырады.
Қазақстандық болғысы келетін тұрғынның құжаттарын Келес АПБ Көші-қон қызметі тобының аға инспекторы полиция майоры Абай Тастанбеков қабылдап алып, заңда көзделген мерзім ішінде жұмыс атқарады. Түркістан облысы ПД Көші-қон қызмет басқармасының полицейлері Гүлбахарға «ҚР азаматтығы туралы» ҚР Заңының 16-1 бабына сәйкес құжатын жасап берді.
Өз кезегінде 50 жастағы ақжаулықты ананың куанышында шек болмады. Полиция қызметкерлері Абай мен Гүлжанға және оларды басқарып отырған басшыларына аналық алғысын жаудырды. Жұмыстарына табыс тілеп, ақ батасын берді. Оған қоса Келес АПБ Көші-қон тобына түрлі мәселелер бойынша келген бір топ тұрғындар полицейлердің жұмысына қанағаттанып, өздерінің шынайы ризашылығын білдіруде — деп хабарлайды 102info.kz ақпарат агенттігі Түркістан облысы полиция департаментіне сілтеме жасап.
Сонымен қатар, Қазақстан Республикасы ІІМ-нің тапсырмасына сәйкес Түркістан облысы Полиция департаментінде құжаттанбаған немесе КСРО құжатымен қалып қойғандарға, егде жастағы жүріп-тұруы қиын қарияларға құжат рәсімдеу мақсатында көші-қон қызметкерлерінен арнайы мобильдік топтар құрылып, қарқынды жұмыс жүргізуде. Ең басты мақсат — халыққа қолайлы қызмет ұсыну болып табылады.
ТО ПД-ның баспасөз қызметі
