Түркістан облысының орталығы Түркістан қаласы күннен-күнге жаңарып, ажарланып келеді. Солай болуы да тиіс. Өйткені киелі қалаға келуші ел тұрғындары мен шетелдіктер қатары өте көп. Сондықтан мұнда келушілерге жайлы орта қалыптастырып, қауіпсіздігін қамтамасыз етіп, сапалы қызмет ұсынылуы тиіс. Одан бөлек жергілікті тұрғындардың да тыныш ұйықтауы үшін тәртіп сақшылары күні-түні қызметте жүр. Қоғамдық қауіпсіздікті күзететін жандардың бірі – учаскелік полиция инпекторлары десек болады. Осыған байланысты Полиция департаментінің бастығы полиция генерал-майоры Қайрат Дәлбеков Түркістан қаласындағы №3, №8, №6 учаскелік полиция пунктерін қарап, тексеріп шықты — деп хабарлайды 102info.kz ақпарат агенттігі Түркістан облысы полиция департаментіне сілтеме жасап.
Учаскелік полиция пунктеріне барған бас полицей, олардың материалдық-техникалық қамтамасыз етілуі, интернет-байланыс және жылумен жабдықтау сапасына, сондай-ақ санитарлық-эпидемиологиялық нормалардың сақталуына ерекше назар аударды. Анықталған кемшіліктер бойынша тапсырмалар берілді. Одан бөлек учаскелік полиция инспекторларына халықпен тығыз байланыста болып, хал-жағдайларын білуде, олардың мәселелерінен әрқашан хабардар болып отыруда қарқынды қызмет ету керектігін атап өтті. Кез келген жағдайда халықтың жанынан табылып, көмек қолын созуды дағдыға айналдыруға бағыттады.
ТО ПД-ның баспасөз қызметі
