8 Наурыз – әлемнің көптеген елдерінде Халықаралық әйелдер күні болып, атап өтіледі. Бұл күні жылы лебіздер мен құттықтаулардың барлығы нәзік жандыларға арналып айтылады. Дәл осы үрдіс Сарыағаш ауданында да жалғасын тапты.
Сарыағаштық сақшылар халықаралық әйелдер мерекесіне ерекше дайындалды. Әйелдер қауымына арналған жүрекжарды лебіздері мен өлең шумақтарын дайындады. Осылайша мерекелік іс-шара полиция бөлімінің залында карантин талаптарын сақтай отырып, ұйымдастырылды.
Сарыағаш ауданы полиция бөлімінің бастығы полиция полковнигі Нұралиев Ермек Серікбайұлының бастауымен 30-ға жуық нәзік жанды арулар шақыртылды. Полицей және мемлекеттік қызметкер болып жұмыс істейтін арулардың барлығына құттықтау және алғыс хаттар табысталды. Сонымен қатар ҚР Ішкі істер министрлігінің үздік медалімен полиция аға лейтенанты Майра Елемесова мен Түркістаноблысы Полиция департаменті бастығы полиция генерал-майоры Қайрат Дәлбековтің арнайы Алғыс хатымен қызметін мінсіз атқарып жүрген полиция майоры Гульмира Сарыбаевалар марапатталды — деп хабарлайды 102info.kz ақпарат агенттігі Түркістан облысы полиция департаментіне сілтеме жасап.
Шараның соңы аруларға арналған концерттік бағдарламаға жалғасты.
ТО ПД-нің баспасөз қызметі
