Түркістан ҚПБ полицейлері 22-24 желтоқсан аралығында «Құқықтық тәртіп» жедел-профилактикалық іс-шараларын жүргізді. Іс-шара барысында полицейлер қала аумағындағы бірнеше әкімшілік құқық бұзушылықты анықтады. Ең өрескел құқық бұзушылықтың бірі саналатын — мас күйде көлік құралын жүргізудің – 16 жайты, қауіпсіздік белдігін пайдаланбаудың- 73 жайты анықталса, жаяу жүргіншілермен жол ережесін сақтамаудың- 75 жайты анықталды.
Түркістан облысының полицейлері адам өміріне қауіп төндіретін отшашулардың заңсыз сату айнылымына тосқауыл қою мақсатында, «Пиротехника» профилактикалық іс-шарасын да өткізуде. Бұл шара карантин талаптарының күшейтілуіне байланысты тәулік бойы атқарылып жатыр-деп хабарлайды 102info.kz ақпарат агенттігі Түркістан облысы полиция департаментіне сілтеме жасап.
Сондай-ақ естеріңізге салсақ, желтоқсан айының 25-і мен қаңтардың 5-і күндері аралығында карантин режимін сақтау қатаңдатылған болатын. Сонымен қатар 3 күнде карантин режимін бұзған 22 жайт тіркелді. Оларға ҚР-нің ӘКБтК 425-бабымен әкімшілік хаттама толтырылды. Сондықтан Түркістан облысының полицейлері тұрғындарға карантин режимін сақтауды, сондай-ақ пиротехниканы пайдаланбауды ескертеді. Себебі от-шашу кезінде адамдардың денсаулығына қауіп төнуі мүмкін.
ТО ПД-нің баспасөз қызметі
