Отырар АПБ-нің кезекші бөліміне жергілікті тұрғын хабарласып, 5 жасар кішкентай немере қызы ұшты-күйлі жоғалып кеткенін айтып, арызданған. Әжесінің айтуынша, 5 жастағы қыз күндіз есік алдында ойнап жүрген. Біршама уақыттан кейін немесересі ауладан шығып кеткенін байқаған. Содан өздері іздей бастайды. Таба алмағаннан кейін полиция қызметкерлерінің көмегіне жүгінеді.
Аталған жайт Отырар АПБ-не тіркеліп, аудандық полицейлер тез арада іске кіріседі. Қыздың, әлі кішкентай болуына орай, оның үстіне адам жоғалу жайты орын алып отырғандықтан тәртіп сақшылары қарқынды түрде барлық қажетті шараларды жасап, шұғыл-іздестіру жұмыстарын жүргізеді. Көрген-білгендерден сұрастырады. Көшелер мен саябақтарды аралап шығады. Нәтижесінде, 1 сағат көлемінде жоғалған қызды адасып жүрген жерінен үйінен 1 шақырым қашықтықта саябақ жанынан табады-деп хабарлайды 102info.kz ақпарат агенттігі Түркістан облысы полиция департаментіне сілтеме жасап.
Өз кезегінде жергілікті тұрғын полиция қызметкерлерінің қырағылығына тәнті болып, жоғалған немересін жедел тауып бергені үшін ризашылығын жеткізді.
Түркістан облысының полицейлері ата-аналарға балаларына мұқият болу және оларды қараусыз қалдырмау қажеттігін ескертеді. Сондай-ақ, балалар немесе жақын адамдар жоғалған жағдайда, өз бетінше іздеуге уақытты жоғалтпай, тез арада полицияға «102» телефоны бойынша хабарласу керек.
ТО ПД-нің баспасөз қызметі
