ҚР ІІМ үнемі аға буын өкілдері мен жастар арасындағы кері байланысты нығайту мақсатында түрлі іс-шаралар ұйымдастыруды қолға алған. Осы мақсатта Түркістан облысы Полиция департаментінің қызметкерлері тұрақты жиындар өткізіп, келелі кездесулерді жүзеге асыруда. Осыған орай Ордабасы АПБ-нің мәжіліс залында карантин режимі сақтала отырып ішкі істер органдарына енді жұмысқа орналасқан жас мамандар үшін тағылымды кездесу орын алды-деп хабарлайды 102info.kz ақпарат агенттігі Түркістан облысы полиция департаментіне сілтеме жасап.
Іс-шараға Ішкі істер саласында адал қызмет етіп зейнетке шыққан Ахмет Рахматулла мен Серік Нұрбеков шақыртылып, тәрбиелік мәні зор әңгіме өрбіді. Сонымен қатар ардагерлеріміз жеке құрам қызметкерлеріне қиын да қауіпті сала болып саналатын органда қызмет етудің өз қиындығы мен қуанышын сөз етті. Қызмет барысында бастарынан өткен қызықты оқиғалары, естеліктерімен бөлісті. Кездесу соңында ізбасар тәртіп сақшыларының жұмыстарына сәттілік тілеп, ақ батасын берді.
Одан бөлек, полицейлер ардагерлерге өздерін қызықтыратын сұрақтарын қойып, нақты жауаптар алды. Осылайша бейнетінің зейнетін көріп отырған ардагерлер мен жас полицейлер арасында тәжірибе алмасу мен өмірлеріне азық болар кездесу ұйымдастырылып, өз мәресіне жетті.
ТО ПД-нің баспасөз қызметі
