Жетісай аудандық полиция бөліміне жергілікті тұрғын арызданды. Оның айтуынша, Жемісті ауылына қарасты егістік алқапта жайылып жүрген 13 бас жылқылары белгісіз жағдайда жоқ болған. Жалпы тұрғынға келтірілген шығын көлемі 9 миллион теңгеге жуық. Полиция қызметкерлері аталған жайтты тіркеп, жылқыларды іздеуге кірісті.
Тәртіп сақшылары оқиға орнына жедел жетті. Одан ары мал егесімен бірге іздеуге шыққан полицейлер, 2 қызметтік көлікпен айналаны,тау-тасты, ой-қырды түгел шолып шықты. Осылайша 3 тәулік бойы үзіліссіз жүргізілген тыңғылықты іс-шаралардың нәтижесінде, жоғалған жылқылар 20-25 шақырым қашықтықтағы егістік алқаптан табылды.
Ірі қара малдарының аман-есен табылғанына риза болған тұрғын, полиция қызметкерлеріне шынайы алғысын жеткізді.
Полицейлер жергілікті тұрғындарға төрт түлікті қараусыз қалдырмау керектігін ескертеді.
