Түркістан облысының полицейлері 9 қаңтардан бастап күндіз-түні кірпік қақпастан күшейтілген режимде қызмет атқаруда. Барынша тұрғындарға сақ болулары мен үйден шықпауларын ескертуде. Оқиға орнынан хабарламалар таратып, тұрғындарды сақтандыруда.
Мәселен Түркістан облысы ПД Жергілікті полиция қызметі басқармасының патрульдік полиция батальонының қызметкерлері 2 күнде 60-қа жуық автокөлікті қардан тазартып, жүріп кетуіне жәрдем еткен. Сондай-ақ жол жиегіне шығып кеткен 12 жеңіл автокөлік пен 10 жүк көлігін қар құрсауынан сүйреп шығарып көмектескен.
Республикалық маңызы бар жол болғандықтан полицейлердің қызметіне куә болған жүргізушілер тәртіп сақшыларының жедел әрекет еткеніне риза болып: «Мына үлкен трассада қарға тығылып қалып едім. Түркістан облысының батальон қызметкерлері қауіпсіздігімізді қамтамасыз етіп, қолғабыс етуде. Полиция қызметкерлеріне рақмет айтамын!»-деп алғысын айтуда.
