Түркістан облысының полицейлері қыс мезгілінің жақындауына байланысты үйіне пеш салу мақсатында кірпіш ұрлаған күдіктіні ұстады

Арыс АПБ-не жергілікті тұрғын арызданған. Арызда өзіне тиесілі 300 дана күйген кірпішінің ұрланғаны туралы көрсеткен. Жәбірленушіге келтірілген жалпы шығын көлемі 12 000 теңгені құрайды. Аталған жайт ҚР ҚК-нің 188-бабы «Ұрлық» бойынша СДТБТ-не тіркелді. Осы оқиғаға байланысты тәжірибелі полиция қызметкерлері жұмылдырылып, жедел-тергеу тобы құрылған-деп хабарлайды 102info.kz ақпарат агенттігі Түркістан облысы полиция департаментіне сілтеме жасап.
Арыс АПБ жеке құрам қызметкерлерімен жүргізілген жұмыстың нәтижесінде бір тәулік ішінде күдіктінің тұрғылықты мекен-жайы және түр-сипаты анықталды. Сонымен қатар күдікті кірпіштерді қыс мезгілінің жақындауына байланысты өз үйіне пеш салу мақсатында ұрлағанын толығымен мойындап отыр. Қазіргі таңда сотқа дейінгі тергеп-тексеру амалдары жалғасуда. Күдіктінің бас шарасы қолхатта.
Түркістан облысының полицейлері тұрғындарға ұрлықтың алдын алу үшін барлық қажетті сақтық шараларын сақтауды ескертеді.Үйлеріңізге мүмкіндігінше бейнебақылау камералары мен дабылқаққыш орнатыңыздар. Сондай-ақ есіктеріңізге берік құлыптар, терезелеріңізге темір торлар жасатыңыздар.
Егерде сіз ұрлықтың куәгері немесе құрбаны болсаңыз, міндетті түрде тез арада полицияның «102» нөміріне хабарласыңыз.
ТО ПД-нің баспасөз қызметі