Шымкент қаласы Полиция департаментінің Патрульдік полиция полкінің қызметкерлері өздерінің қызметтік көліктерімен аумақты патрульдеу кезінде жол үстінде «Wolkswagen» маркалы автокөліктің бұзылып, жүргізушінің әбігерге түсіп жатқанын байқайды. Осыдан соң, полиция қызметкерлері көліктің жанына тоқтап, оны жөндей бастайды. Небәрі аз ғана уақыттың ішінде жүрмей тұрған көлікті жөндеп, жүргізушіге тапсырады.
Белгілі болғандай, автокөліктің бөлшегі істен шыққан екен. Яғни, полицейлер жақын маңдағы автобөлшек сататын дүкеннен қажетті бөлшекті алып келіп, орнына салып, ауыстырып, көлікті жүргізіп береді. Полицейлердің осындай көмегіне жүргізуші өз алғысын жеткізді: «Өзім асығып тұрғанда, көлігім бұзылып, шарасыз болып қалдым. Автокөліктің доңғалағы жарылып, әбігерге түстім. Енді не істеймін деп, уайымдап тұрғанымда полицейлер жүгіріп кеп көмектесті. Көп рахмет».
