Сайрам ауданының тұрғыны полицейлерге алғыс айтты

Сайрам ауданы Манкент ауыл округі қоғамдық кеңесінің төрағасы Эшметов Абдулла Сайдикаримұлы, Сайрам ауданы полиция басқармасы қызметкерлерінің жұмыстарын жоғары бағалап, өз алғысын білдірді. Жергілікті тұрғын өз сөзінде «мен аудан тұрғындары атынан өңіріміздің полицейлеріне алғысымды айтамын. Олардың күндіз-түні атқарып жатқан жұмыстарының арқасында қылмыс азайып, халық тыныш өмір сүруде…»
Айта кететін жайт, Сайрам ауданы полиция басқармасының патрульдік полиция тобының қызметкерлерімен аудан аумағында қыркүйек айынан бастап көшелер мен жолдарда жол қозғалысы ережесін сақтау және жол-көлік оқиғасының алдын алуға бағытталған іс-шаралар қарқынды жүргізілуде. Рейдтердің мақсаты – жол көлік оқиғаларының алдын алу, жол апаттарын болдырмау, жаяу жүргіншілер мен көлік жүргізушілердің мәдениетін қалыптастыру. Күшейтілген тәртіпте қызмет атқарған жол патрульдік полиция тобының қызметкерлері аудан тұрғындарымен түсіндірме жұмыстарын қатар жүргізді. Қауіпсіздік белдігін қолданбау, мас халде көлік құралын басқару, ұялы телефон пайдалану, құжатсыз көлік құралын басқару, қарсы бағытқа шығу, маневр ережелерін бұзу жайттарына аса көңіл бөлінді.
Әр ауылдық округте апта бойы тәуліктік рейдтер жүргізіліп отыр. Нәтижесінде көшелердегі жол қозғалысы тәртібі айтарлықтай ретке келді. Мұндай іс-шаралар алдағы уақытта да жалғасын таба бермек.