Түлкібас АПБ кезекші бөліміне жергілікті тұрғыннан ауыл тұрғындарының бірі өз үйінде қару-жарақ пен есірткі заттарын заңсыз сақтағаны туралы хабарлама келіп түсті-деп хабарлайды 102info.kz ақпарат агенттігі Түркістан облысы полиция департаментіне сілтеме жасап.
Жедел-іздестіру шаралары барысында полиция қызметкерлері Түлкібас ауданының тұрғынын күдіктіні ретінде ұстады. Тінту кезінде жедел уәкілдер күдіктінің үйінен оқ-дәрісі бар аңшылық мылтық пен өсімдік тектес есірткі заты бар полиэтилен пакетті тәркіледі. Тәртіп сақшылары күдіктіні оқиғаның барлық мән-жайын анықтау үшін Түлкібас АПБ-не жеткізді.
Аталған жайт ҚР ҚК-нің 296-бабы «есірткі, психотроптық заттармен, сол тектестермен өткізу мақсатынсыз заңсыз жұмыс істеу»бойынша СДТБТ-ға тіркелді. Сараптамаға сәйкес, тәркіленген есірткі затының жалпы салмағы 26 грамнан асатын «кептірілген марихуана» болып шықты. Ал тәркіленген қарудың иесіне полицейлер ҚР ӘҚБтК-нің 482-бабы «Жеке және заңды тұлғалардың қаруды заңсыз иеленіп алуы, беруі, өткізуі, сақтауы, алып жүруi, тасымалдауы» бойынша хаттама толтырды.
Қазіргі уақытта аталған жайтқа байланысты сотқа дейінгі тергеу амалдары жүргізілуде. Күдікті қамауда.Тергеу барысы күдіктінің басқа да қылмыстарға қатыстылығын анықтайды.
Түркістан облысының полицейлері есірткі құралдары мен атыс қаруын заңсыз сақтағаны және таратқаны үшін қылмыстық жауапкершілік қарастырылғанын ескертеді.
Түркістан облысы ПД баспасөз қызметі
