«Қолы ашықтың — жолы ашық» дейді дана халқымыз. Ел тыныштығын сақтауда қызмет ететін полицейлердің бойына адамгершілік, мейірімділік, ізгілік деген асыл қасиеттерді жиып қойған секілді. Кісінің айналасындағы адамдарға деген ықыласы мен көмегін адамгершілік қарым-қатынастарын білдіреді. Осы қасиетті айда тәртіп сақшылары да қайырымдылық шарасын ұйымдастырып, тұрғынның алғысын арқалады.
Мәселен, Бәйдібек ауданы полиция бөлімінің қызметкерлері аз қамтылған отбасы, жалғыз басты ана Қарашаш Кушманованың үйіне қасиетті Рамазан айында қайырымдылық жасап, мол сауапқа кенелді. Олар тұрғынның үйіне қажетті азық-түліктерді табыстады.
Тәртіп сақшыларының жасаған қайырымдылығына риза болған Қарашаш, алғысын айтты. «Мына қасиетті айда жасаған қайырымдылық шарасынан мол сауапқа кенеле беріңіздер. Сіздерге рақмет. Отбасыларыңыз аман болсын, қызметте абыройларыңыз арта берсін!» — деді.
Халықтың мұң-мұқтажына көңіл бөлетін азаматтар бар кезде осындай қайырымдылық шаралары әрі қарай да жалғаса бермек.
