Сарыағаш аудандық полиция бөлімінің Көші-қон қызметкерлері мүмкіндігі шектеулі азаматтың құжаттарын рәсімдеп берді. Полицейлердің көмегіне жүгінген қария Сейдалиев Рахматулланың жеке куәлігінің мерзімі өтіп кеткен. Қарияның жүріп тұруы қиын екендігін ескерген Сарыағаш АПБ Көші-қон қызметі бөлімінің аға инспекторы полиция майоры Абдуманапов Димаш Айдосұлы және осы бөлімнің бас маманы Омарова Маржан Ергешқызы жедел түрде куәлікке қатысты құжаттарды жинастырып, әзірлеп берді-деп хабарлайды 102info.kz ақпарат агенттігі Түркістан облысы полиция департаментіне сілтеме жасап.
Полиция қызметкерлерінің атқарып жатқан қызметтеріне көңілі толған ақсақал: «Өз бетімше жүріп-тұруым өте қиын. Осы тұста куәлігімнің мерзімі бітіп,қайта рәсімдеу керек болды. Сарыағаш ауданынң Көші-қон полициясының қызметкерлері қысқа уақыт ішінде құжатымды рәсімдеп берді. Барша полиция қызметкерлеріне өз алғысымды айтамын»-деп ақ батасын берді.
Атап өтетін жайт, Мақтаарал АПБ-нің полиция қызметкерлері жергілікті тұрғындарға, соның ішінде ҰОС ардагерлері мен мүмкіндігі шектеулі жандарға кезексіз көмек көрсетіп отырады. Бұл бағыттағы жұмыстар алдағы уақытта да жалғасатын болады.
ТО ПД-ның баспасөз қызметі
