Сайрам аудандық Полиция басқармасының қызметкерлерімен аудан көлемінде 9-16 маусым аралығында «Тұрмыс» жедел-профилактикалық іс-шарасы өткізілуде. Іс-шара барысында ұйымдастырушылық мәселелерді жедел шешу және өткізілетін іс-шараға басшылықты жүзеге асыру үшін арнайы штаб құрылған. Шараға жалпы 50-ге тарта қызметкер жұмылдырылған.
3 тәулік ішінде Сайрам ауданы бойынша профилактикалық және тізімдік есепте тұратын 785 азамат тексерілді. Учаскелік полиция инспекторларымен 30 қорғау нұсқамасы шығарылып, 8 құқық бұзушының мінез-құлқына ерекше талап сотпен белгіленді. 61 құқық бұзушы әкімшілік жауапкершілікке тартылды. Оның ішінде ҚР ӘҚБтК-нің 73-бабымен «Отбасы-тұрмыстық қатынастар аясындағы құқыққа қарсы әрекеттер» 8 құқық бұзушылық анықталды, 127-бабымен «Кәмелетке толмағандар жасаған немесе кәмелетке толмағандарға қатысты құқыққа қарсы іс-әрекеттер туралы хабарламау» 1 тұрғын, 442-бабымен «Кәмелетке толмағандардың заңды өкілдерінің еріп жүруінсіз түнгі уақытта ойын-сауық мекемелерінде немесе тұрғынжайдан тыс жерде болуы» 19 тұрғын, 440-бабымен «Алкогольдік ішімдіктерді iшу немесе қоғамдық орындарға масаң күйде келу» 30, 461-бабымен «Қорғау нұсқамасын бұзу» 2 тұрғын және 12 жергілікті тұрғын тізімдік және профилкатикалық есепке алынса, 7 жайсыз отбасы есепке қойылды. Бұл бағыттағы жұмыстар алдағы уақытта да жалғаса бермек.
Аталған «Тұрмыс» жедел-профилактикалық іс-шарасының негізгі мақсаты – криминогендік ахуалды оңалту, масаң күйде, отбасы-тұрмыстық қарым-қатынастарда ауыр және аса ауыр қылмыстарға жол бермеу, құқық бұзушылық профилактикасы бойынша жағдайды тұрақтандыру, ішкі істер органдарының халық арасындағы беделі мен имиджін көтеру және қоғамдық тәртіпті сақтау болып табылады.
ТО ПД-ның баспасөз қызметі
