Түркістан облысында өткізілген «Мигрант» жедел-профилактикалық іс-шарасы өткізілуде. Барысында Қазақстан Республикасына келу, болу және Қазақстан Республикасынан кету Ережелерінің сақталуын қадағалау, Түркістан облысы аумағында болу мерзімі өтіп кеткен шетелдіктердің құқықтық мәртебесін реттеу, визалар, жұмысқа рұқсат беру, сондай-ақ әкімшілік заңнаманы бұзушыларды анықтау жұмыстары жүргізілді.
Мәселен Отырар ауданы көлемінде жалпы – 458 шетелдік есепке алынып, уақытша тіркелді. Сонымен қатар Қазақстан Республикасында болу және ҚР-дан кету ережелерін бұзған, барлығы – 27 шетелдік пен ҚР-ның азаматтары анықталып, әкімшілік жауапкершілікке тартылды. Оның ішінде 17-і шетел азаматы ҚР ӘҚБтК-нің 517-бабы «Шетелдiктiң немесе азаматтығы жоқ адамның Қазақстан Республикасының халықтың көші-қоны саласындағы заңнамасын бұзуы» бойынша әкімшілік жолмен ел аумағынан аластатылды — деп хабарлайды 102info.kz ақпарат агенттігі Түркістан облысы полиция департаментіне сілтеме жасап.
Өз кезегінде, Түркістан облысының полиция қызметкерлері аталған іс-шарада тек құқықбұзушылықты анықтап қоймай, шетел азаматтары және жұмыс берушілермен профилактикалық түсіндіру жұмыстарын жүргізеді, көші-қон қызметі туралы заңдылықтарды сақтау қажеттілігін ескертеді.
ТО ПД-ның баспасөз қызметі
