Әлеуметтік желілерге мониторинг жүргізу барысында Түркістан облысы ПД Экстремизмге қарсы іс-қимыл басқармасының жедел уәкілдері «Фейсбук» және «Твитер» пайдаланушылары парақшаларында деструктивті-діни ағымның идеологиясын насихаттайтын экстремистік сипаттағы бейнероликтер мен басқа да материалдарды орналастыру деректерін анықтады.
Аталған жайт СДТБТ-ға ҚР ҚК-нің 405-бабы 2-бөлігі «Қоғамдық немесе діни бірлестіктің не өзге де ұйымның қызметіне олардың экстремизмді немесе терроризмді жүзеге асыруына байланысты олардың қызметіне тыйым салу немесе жою туралы сот шешімінен кейін қатысу және ұйымдастыру» және 256-бап 2-бөлігі «Терроризмді насихаттау немесе терроризм актісін жасауға жария түрде шақыру» бойынша тіркелді.
Жедел-іздестіру іс-шаралары барысында полицейлер экстремистік материалдардың таралуына қатысты күдікті ретінде Түркістан облысының 4 тұрғынын ұстады. Сотқа дейінгі жинақталған іс-құжаттары айыптау актісімен бірге сотқа жолданды — деп хабарлайды 102info.kz ақпарат агенттігі Түркістан облысы полиция департаментіне сілтеме жасап.
Өз кезегінде Түркістан облысының полицейлері азаматтарды әлеуметтік желілерде деструктивті-діни ағымның тыйым салынған материалдарын таратуға, орналастыруға жол берілмейтіні туралы ескертеді. Егер, сіз де, осындай құқық бұзушылықтар туралы қандай да бір ақпарат болса, тез арада полицияға 102 нөміріне хабарласыңыз.
ТО ПД-ның баспасөз қызметі
