Қазығұрт АПБ Жергілікті полиция қызметкерлері, ауыл әкімдері және Қазығұрт аудандық ТЖБ қызметкерлерімен бірлесіп, ауданда шомылу маусымының басталуына байланысты, профилактикалық іс-шараларды ұйымдастырды.
Профилактикалық іс-шараның мақсаты — қазіргі күннің күрт ысуына байланысты суға, соның ішінде шағын тоғандар, өзен-көлдерге түсіп демалушылардың қандай да бір қайғылы жағдайға душар болмауының алдын алу. Осы тұста тәртіп сақшылары рейдтік шараларды іске асыруға кірісті — деп хабарлайды 102info.kz ақпарат агенттігі Түркістан облысы полиция департаментіне сілтеме жасап.
Полиция қызметкерлері тұрғындар мен демалушыларға су жағасындағы демалыс барысында есте болуы тиіс қауіпсіздік шараларын сақтауға шақырды. Сонымен қатар шомылуға тыйым салынған орындарға суға түспеу туралы, қайғылы жайттар орын алған жағдайда, бірінші медициналық көмек көрсету мәселелері жайында түсіндірме жұмыстары жүргізілді. Сонымен қатар, суға түсуге қатаң тыйым салынған орындарға ескерту «тақтайшалары» орнатылды.
Профилактикалық іс-шараны өткізу барысында Қазақстан республикасы ӘҚБтК-нің 364-бабы 1-бөлігі бойынша жалпы 9 әкімшілік хаттамалары толтырылды. Мысалы Қазығұрт ауданына қарасты «Келес» өзенінде күндізгі сағат 15:30 шамасында 10-ға жуық тұрғындардың белгіленбеген аймақта шомылып жатқандары белгілі болды. Оларға қатысты ҚР ӘҚБтК-нің 364-бабы «Ортақ су пайдалану қағидаларын бұзу» бойынша әкімшілік хаттама толтырылды.
Өз кезегінде облыс полицейлері кез келген су арықтарына, өзен-көлдерге, яғни белгіленбеген орындарға суға түспеу керектігін ескертеді. Балаларыңызға сақтық шараларын айтып, түсіндіріп отырыңыздар. Өзіңізді және жақындарыңызды сақтаңыздар!
ТО ПД-ның баспасөз қызметі
