Түркістан облысының жастарының есірткі, нашақорлыққа қарсы иммунитетін қалыптастыру мақсатында іс-шара өткізілді. Онда Түркістан облысы Полиция департаменті ЕҚҚІҚБ-ның қызметкерлері Адами әлеуетті дамыту басқармасы мен қалалық білім беру бөлімімен бірлесіп, Түркістан қаласындағы «Жібек жолы» саябағында «Бүкіл әлемдік балаларды қорғау күні» мерекесіне орай жасөспірімдерге есірткі затының қаншалықты зиян екені айтылып, түсіндірме жұмыстарын жүргізді.
Қозғалған мәселенің барлығы жастардың болашағы үшін беретін маңызы зор екеніне сенімдіміз. Сонымен қатар «Есірткіге жол жоқ» атты плакаттар ілінді.
Еліміздің болашақ тұтқасы саналатын жасөспірімдер есірткіден бойларын аулақ ұстап, өз өмірлерін зиянды әдеттерден қорғап, бағалап, болашақтарына балта шаппау аясында ұйымдастырылған шара Түркістан облысы полицейлері тарапынан үнемі өткізіліп тұрмақ — деп хабарлайды 102info.kz ақпарат агенттігі Түркістан облысы полиция департаментіне сілтеме жасап.
Осы тұста тәртіп сақшылары жасөспірімдерге өмірін керексіз дүниелермен уландырмауға тырысу қажеттігін ескертеді! Еліміздің болашағы –дені сау жас ұрпақ екенін ұмытпайық!
ТО ПД-ның баспасөз қызметі
