Қазығұрт аудандық полиция бөлімінің қызметкерлері Келес өзенінің бойынан заңсыз шағал артып келе жатқан «Howo» маркалы көлігін анықтады. Тексеру барысында, табиғатқа зиян келтіруші Сарыағаш ауданының тұрғыны екені белгілі болды. Ол 10 куб қиыршық құм шағалды қол күрекпен өз үйінің қажеттілігіне алған.
Аталған жайт бойынша Қазақстан Республикасының ҚР ҚПК-нің 181-бабы 5-бөлігі сай шешім қабылдау үшін Түркістан облысы бойынша Экология департаментіне жолданды — деп хабарлайды 102info.kz ақпарат агенттігі Түркістан облысы полиция департаментіне сілтеме жасап.
Өз кезегінде Түркістан облысының полицейлері тұрғындарды табиғатты қорғауға шақырады. Сондай-ақ табиғатқа зиян келтіру жауапкершілікке тартылатынын ескертеміз. Егер, сіз, табиғатқа қайшы келетін оқиғалардың куәгері болсаңыз, тез арада полицейлердің 102 нөмірі арқылы хабарласыңыздар.
ТО ПД-ның баспасөз қызметі
