Түркістан облысы Полиция департаментінің нұсқауына сәйкес ағымдағы жылдың 12-14 мамыр күндері аралығында облыс көлемінде «Абайлаңыз, балалар!» атты іс-шарасы өткізілді. Шара барысында Ордабасы АПБ-ның қызметкерлері кәмелет жасына толмағандардың қатысуымен болатын жол-көлік оқиғаларының алдын алу және болдырмау мақсатында Ш.Уалиханова, А.Молдағұлова және Темірлан мектебінің бастауыш сынып оқушыларына түсіндіру жұмыстарын жүргізді.
Аталған шараның негізгі мақсатын одан ары жүйелі түрде түсіндіру барысында мектеп оқушыларының ата-аналарына «ZOOM» қосымшасы арқылы онлайн режимде сақтық шараларын өзінен бастау керектігі туралы айтылды.
Білім беру орындары мен мектептегі жол қозғалыс инспекторлары жасақтарымен бірлесіп, автокөлік жүргізушілеріне үнпарақтар таратып, «Қымбат жолдас-жүргізуші!» атты насихаттау акциясы өткізілді. Сонымен қатар Әкімшілік полиция бөлімшесі мен жол және коммуналдық қызметтердің өкілдері бірлесіп, көше-жол желісінің және жалпы білім беретін мектепке дейінгі мекемелер орналасқан және олардың аумағына жақын орындарда жол жүрісін ұйымдастырудың техникалық құралдарын пайдалану жай-күйін жақсарту мақсатында 4 іс-шараны өткізді. Оның ішінде ауыстырылған және жаңадан орнатылған жол белгілер саны 14, жабдықталған жаяу жүргіншілер өтпесі — 12, 2 жерде тротуарлар салынып, 8 жерде жасанды жарықтандырулар және 4 жасанды бұдырлар орнатылды.
Сондай-ақ онлайн форматта 8 рет балалар мен 2 рет ата-аналармен әңгімелесулер ұйымдастырды — деп хабарлайды 102info.kz ақпарат агенттігі Түркістан облысы полиция департаментіне сілтеме жасап.
Осы тұста Түркістан облысының полицейлері ата-аналарға төменгі сыныпта оқитын балаларыңыздың мектепке келіп-кетуін қадағалап, олардың өмірі мен денсаулығына және дене жарақаттарын алмауға ықпал жасауларыңызды сұранады.
ТО ПД-нің баспасөз қызметі
