Наурыз мерекесі аясында қандастар және басқа да этностар қатарынан Қазақстан Республикасы азаматтығын қабылдаған адамдарға Түркістан облысы Полиция департаменті Көші-қон қызметі бөліністері қызметкерлерімен Қазақстан Республикасы азаматының алғашқы жеке куәліктерін салтанатты түрде тапсыру рәсімі өткізілуде.
Яғни, жеке куәліктер мен төлқұжаттарды азаматтарға тапсыру мақсатында 16 жасқа толған мектеп, колледж оқушыларына, сондай-ақ Қазақстан Республикасының азаматтығына қабылданған адамдарға табыстау жұмыстары ұйымдастырылуда.
Мәселен Түлкібас АПБ-ның мәжіліс залында жеке құрам қызметкерлерінің және азаматтықты куәландыратын алғашқы құжаттарын алып жатқан ауданның 16 жасқа толған азаматтары мен олардың ата-аналарының қатысумен салтанатты іс-шара өткізілді. Аталған жиын барысында жастарға жеке куәліктері табыс етілді. Аз уақыттың ішінде жеке куәліктеріне еш қиындықсыз қол жеткізген жас тұрғындар полиция қызметкерлеріне алғыстарын айтты — деп хабарлайды 102info.kz ақпарат агенттігі Түркістан облысы полиция департаментіне сілтеме жасап.
Құрметті облысымыздың тұрғындары! Полиция департаментінің осы бағыттағы жұмыстары өз жалғасын әрі қарай таба бермек. Өздеріңіздің құқықтық мәртебелеріңізді айқындау бойынша сұрақ туындаған жағдайда, сіздер, тұрғылықты мекенжайыңыз бойынша Көші-қон қызметіне жүгінуіңізге болады!
ТО ПД-ның баспасөз қызметі
